Urtarrilaren 30ean Indarkeriarik Ezaren eta Bakearen Eskola Eguna ospatzen da nazioartean, 1964az geroztik.
Egun horretan, Mahatma Gandhiren (India, 1869-1948) heriotzaren urteurrena ospatzen da. Gandhi buruzagi espiritual eta politiko bakezalea izan zen, eta indarkeriarik eza eta bidegabekeriaren aurkako erresistentzia baketsua defendatu eta sustatu zituen. Indiaren independentziaren aldeko mugimenduaren sortzailea izan zen. Indarkeriarik gabe, denek batera egindako desobedientzia zibilaren aitzindaria eta teorikoa izan zen, eta mugimendu horrek eraman zuen India independentziara. Askatasunaren eta mundu osoko eskubide zibilen aldeko mugimendu asko inspiratu zituen.
Hori dela eta, mundu guztiko ikastetxeetan indarkeriarik ezaren eta bakearen kultura ospatzeari eskaintzen zaio urtarrilaren 30a. Tolerantzian eta tolerantziarako hezkuntza, elkartasuna, adiskidetasuna, giza eskubideekiko errespetua, indarkeriarik eza eta bakea dira urtarrilaren 30a gogoratzeko arrazoiak. Bakearen Egunean, gure ikastetxeek konpromisoa hartzen dute jatorri eta pentsaera desberdineko pertsonen arteko bakearen eta elkar ulertzearen defendatzaile gisa.
Gandhik zioen bezala, “Ez dago bakerako biderik, bakea da bidea”.
